Event
இலங்கையில் ஆன்லைன் அடிப்படையிலான வன்முறையால் பாதிக்கப்பட்ட பெண்கள், சிறுமியர் மற்றும் திருநர் மற்றும் குயர்களுக்கான மும்மொழி ஆதரவு சேவைகளின் சுற்றுச்சூழல் அமைப்பான “ப்ரத்ய” என்பதை இப்பிரச்சினை தொடர்பில் கடந்த சில வருடங்களாகப் பணியாற்றி வரும் ஹேஷ்டெக்(#) தலைமுறை மற்றும் Delete பண்ண வேண்டாம் ஆகியன ஆரம்பித்துள்ளன. இந்த சுற்றுச்சூழல் அமைப்பானது பின்வருவனவற்றை உள்ளடக்குகின்றன:
அதிகமான பெண்கள், சிறுமியர் மற்றும் திருநர் மற்றும் குயர்களுக்கான இணையத்தை அணுகுவதால், ஆன்லைனில் அவர்கள் மீதான வன்முறையின் அளவும் விகிதாசாரத்தில் அதிகரிக்கிறது என்பதை உலகளாவிய போக்குகள் காட்டுகின்றன (முற்போக்கு தொடர்புகளுக்கான சங்கம், 2018). இந்த வன்முறை பெரும்பாலும் தவறான கருத்துகள், தேவையற்ற பாலியல் வெளிப்படையான அல்லது இழிவுபடுத்தும் படங்கள் மற்றும் பாலியல் மிரட்டல் (நெருக்கமான உள்ளடக்கத்தைப் பகிரும் அச்சுறுத்தல் மூலம் ‘மிரட்டல்’) வடிவத்தை எடுக்கும். LGBTQIA+ சமூகத்தின் உறுப்பினர்களும் ஒருபாலீர்ப்பு வெறுப்பு மற்றும் திருநர் வெறுப்பு துஷ்பிரயோகத்தை அனுபவிக்கும் அபாயத்தை எதிர்கொள்கின்றனர், மேலும் ஆன்லைனில் தங்கள் செயல்பாட்டைக் கட்டுப்படுத்துவதன் மூலம் இதைத் தடுக்கலாம் (தேசப்ரியா மற்றும் பலர், 2017; கோஷா, கிரவுண்ட்வியூஸ் மற்றும் ஹேஷ்டெக்(#) தலைமுறை, 2019).
இவ்வாறு ஆன்லைனில் வன்முறையால் பாதிக்கப்பட்ட மக்கள், கோட்பாட்டளவில் அவர்களுக்கு நிவாரணம் அளிக்க வேண்டிய சட்ட மற்றும் சமூக அமைப்புகளிடமிருந்து போதுமான ஆதரவைப் பெறுவதில்லை. “பொலிஸ் முறைப்பாடு பலருக்கு மனஉளைச்சல் தரும் அனுபவமாக இருக்கும்,” என்று ஹேஷ்டெக்(#) தலைமுறை சமூக ஊடக நிபுணர் சரிதா இருகல்பண்டார விளக்கினார். “பொலிஸ் அதிகாரிகளும் சில வழக்கறிஞர்களும் கூட, துரதிஷ்டவசமாக, பாதிக்கப்பட்டவர்களின் அவல நிலையைப் பற்றி அலட்சியமாகவும் உணர்வற்றவர்களாகவும் இருப்பதாகக் கூறப்படுகிறது. ஆன்லைன் அடிப்படையிலான வழக்குகளை நிவர்த்தி செய்வதில் உள்ளூர் பொலிசார் பரிதாபகரமாக அனுபவமற்றவர்களாக உள்ளனர், பெரும்பாலும் இருக்கும் சட்டங்களை அறியாமல், இணையக் குற்றப் பிரிவில் ஒரு தடையை உருவாக்குகிறார்கள்.”
ஹேஷ்டெக்(#) தலைமுறையின் சமூக ஊடகப் பகுப்பாய்வின் தலைவர் பிரிஹேஷ் ரத்நாயக்க மேலும் கூறுகையில், சமூக ஊடக நிறுவனங்களும் இணைய வன்முறைகளை எவ்வாறு கையாள்வதில் தன்னிச்சையானவை என்பதை நிரூபிக்கின்றன. “சமூக வழிகாட்டுதல்கள் மற்றும் மிதமான செயல்முறைகள் போன்ற உள்ளமைக்கப்பட்ட வழிமுறைகள், கோட்பாட்டில், பாலினத் தீங்குகளிலிருந்து மக்களைப் பாதுகாக்க வேண்டும். இது பொதுவாக இல்லையென்பதுடன் பாதிக்கப்பட்ட மக்களுக்கு தீங்கு விளைவிக்கும் உள்ளடக்கம் அவர்களின் வழிகாட்டுதல்களுக்கு எதிராக செல்லாது என்று வலியுறுத்தும் ஒரு தளத்திற்கு முறைப்பாடு செய்வதைத் தாண்டி வேறொரு சிறிய உதவியும் கிடைப்பதில்லை”என்று அவர் கூறினார்.
இந்த முறையான தடைகளைத் தவிர, ஆன்லைன் வன்முறையால் பாதிக்கப்பட்டவர்கள் தங்கள் அனுபவங்களைப் பற்றி முன்வருபவர்கள் சமூக அவமானம் மற்றும் நிறுவனங்கள், சமூகங்கள் மற்றும் குடும்ப உறுப்பினர்களிடமிருந்து குற்றம் சாட்டப்படும் அபாயம் உள்ளது. எதிர்மறையான சமூக, உணர்ச்சி மற்றும்/அல்லது உடல் ரீதியான விளைவுகளைப் பற்றிய பயம் ஒரு சிலிர்க்க வைக்கும் தாக்கத்தை ஏற்படுத்துவதுடன் அடுத்த நடவடிக்கை எடுப்பதில் இருந்து அவர்களைத் தடுக்கலாம் (பெரேரா & இப்ராஹிம், 2021).
தனிநபர்கள் நடவடிக்கை எடுக்கத் தயாராக இருந்தாலும் கூட, அவர்களுக்குக் குறைவான விருப்பங்களே உள்ளன, குறிப்பாக அவர்கள் பொலிஸ் அல்லது சட்ட அமைப்பை எந்த காரணத்திற்காகவும் ஈடுபடுத்த விரும்பவில்லை என்றால். “நாங்கள் சமூகங்களை அணுகும்போது, குறிப்பாக LGBTIQ + சமூகத்திடம் இருந்து தொடர்ந்து வரும் கவலை என்னவென்றால், காவல்துறையில் புகார் கொடுப்பது அவர்களுக்கு பரிகாரம் அளிப்பதை விட அவர்களை மேலும் குற்றவாளிகளாக மாற்றிவிடும்” என்று Delete பண்ண வேண்டாம் ஐ உருவாக்கியவர்களில் ஒருவரான சச்சினி பெரேரா கூறினார். மக்கள் பெரும்பாலும் விரும்புவது அவர்களுக்கு என்ன நடக்கின்றது என்பதைச் செவிமடுத்து அவர்களுக்கு உதவுவதையே பெரும்பாலும் விரும்புவதாகவும், அதுவே “ப்ரத்ய” வின் முதலாவதும் முதன்மையானதுமான நோக்கமாகும் என்று அவர் கூறினார்.
ஆன்லைன் அடிப்படையிலான வன்முறையை அனுபவிக்கும் மக்களுக்கு அவர்களின் தேவைகள் மற்றும் விருப்பங்களை மையமாகக் கொண்ட பாதுகாப்பு மற்றும் சமூகத்தின் நெறிமுறையின் அடிப்படையில் ஆதரவு அளிக்கப்படும் பாதுகாப்பான இடத்தை வழங்குவதற்கு “ப்ரத்ய” முன்வருகின்றது. “ப்ரத்ய” ஆதரவு சுற்றுச்சூழல் அமைப்பு மனித உரிமைகள் மற்றும் இணையத்தின் பெண்ணியக் கோட்பாடுகளால் (Feminist Principles Of The Internet) ஆதரிக்கப்படுவதுடன் இது பெண்கள், சிறுமியர் மற்றும் LGBTQIA+ நபர்களின் உலகளாவிய மற்றும் சமமான இணைய அணுகலுக்கான உரிமையை வலியுறுத்துகிறது, இது தகவல், இயக்கத்தை உருவாக்குதல், ஆக்கபூர்வமான வெளிப்பாடு, இன்பம் மற்றும் விளையாட்டு, ஒப்புதல், தனியுரிமை, முகவராண்மை, அநாமேதயம் மற்றும் வன்முறையில் இருந்து சுதந்திரம் ஆகியவற்றிற்கான அவர்களின் உரிமைகளைத் தக்க வைத்துக் கொள்கிறது.
“ப்ரத்ய” 2022 நவம்பர் 28 ஆம் திகதி திங்கட்கிழமை கொழும்பு, பண்டாரநாயக்க சர்வதேச மாநாட்டு மண்டபத்தின் லெவெண்டர் மண்டபத்தில், இலங்கையில் ஆன்லைன் அடிப்படையிலான வன்முறையை நிவர்த்தி செய்வதில் ஈடுபட்டுள்ள பல்வேறு பங்குதாரர்கள் மற்றும் பத்திரிகை உறுப்பினர்களின் பங்கேற்புடன் முறையாக ஆரம்பிக்கப்பட்டது.
“ப்ரத்ய” முதன்மையாக இலங்கை மற்றும் மாலைதீவிற்கான அவுஸ்திரேலிய உயர் ஸ்தானிகராலயத்தால் நேரடி உதவித் திட்ட (DAP) மானியம் மூலம் ஆதரிக்கப்படுகிறது. நேரடி உதவித் திட்ட (DAP) மானியங்கள் இலங்கை மற்றும் மாலைத்தீவில் உள்ள அவுஸ்திரேலிய உயர் ஸ்தானிகராலயம் மற்றும் உள்ளூர் சமூகங்களுக்கு இடையே ஒரு இணைப்பை வழங்குகின்றன, மேலும் அவுஸ்திரேலிய அரசாங்கத்தின் அபிவிருத்திக் கொள்கையான மீட்புக்கான கூட்டாண்மைகள்: அவுஸ்திரேலியாவின் கொவிட்-19 அபிவிருத்திப் பிரதிபலிப்பு ஆகியவற்றின் முன்னுரிமைகளுடன் சீரமைக்கப்பட்டுள்ளன.
ஹேஷ்டெக்(#) தலைமுறையானது இளைஞர்களின் அர்த்தமுள்ள குடிமை மற்றும் அரசியல் பங்கேற்பிற்கு ஆலோசனை வழங்கும் இளம் தொழில்நுட்ப ஆர்வமுள்ள, சமூக உணர்வுள்ள இலங்கையர்களின் குழுவால் வழிநடத்தப்பட்டு நடத்தப்படும் ஒரு இயக்கமாகும்.
Delete பண்ண வேண்டாம் இலங்கையில் தொழில்நுட்பம் தொடர்பான பாலின அடிப்படையிலான வன்முறைகளை ஆவணப்படுத்துவதை நோக்கமாகக் கொண்டுள்ளது, இது குறிப்பாக இலங்கையில் உள்ள பெண்கள், சிறுமியர் மற்றும் திருநர் மற்றும் குயர்களின் அனுபவங்களை ஆவணப்படுத்திய போதிலும் அவர்களுக்கு மட்டும் வரையறுக்கப்படவில்லை. அதை அனுபவிப்பவர்களுக்கு ஆதரவாக நாம் தகவல்களையும் வழங்குகிறோம்.
உசாத்துணைகள்